Ukberri.net-ek jakinarazi du atzo iluntzean desalojatu zutela pasa den asteburuan inauguratu zuten Txorimalo gaztetxea. Algortako Gazte Asanbladak okupatzen jarraituko duela jakinarazi du.
Albistea Ukberri.net-en
Iluntzean, Getxoko Txorimalo gaztetxea hustu egin du EAEko Polizia autonomikoak. Algortako Gazte Asanbladako kideek jakinarazitakoaren arabera, arratsaldeko azken orduan 9 ertzain sartu dira orain dela 4 egun inauguratu zen gaztetxean. Uniformez jantzitako lau ertzainek kanporaketa egiteko agindu judiziala erakutsi dute eta kalez jantzitako beste bost polizia atzean zituztela, bi "aukera" eman dizkiete gaztetxe barruan zeuden 6 neska-mutilei: besterik gabe alde egiteko, identifikazioak ere ez zituztela egingo edo, erresistentzian saiatuz gero, epaitegian bukatzea. Gazteak atera direnean, eraikina eta sarbideak prezintatu dituzte ertzainek eta barruan gelditu diren gauza guztiak epaitegian eskatu beharko dituztela esan diete gazteei. Dena delakoa, Txorimalorekin, azken zazpi urteotan zazpi gaztetxe eraitsiak edo hustuak izan dira Algorta eta Getxon. Bestalde, Algortako Gazte Asanblada bihar batzartuko da egoera hausnartzeko eta hurrengo ekimenak zehazteko. Era berean, bihar, asteazkena, eta ostiralean aurreikusita zeuden II. Amarratsak Asteko ekitaldiekin zer gertatuko den ez dago argi oraindik.
Okupatzen jarraituko dugu!
Berriro ere kalean , eta dagoeneko ia ez dakigu zenbat okupazio, gaztetxe sortu, desalojo, denuntzia, isun, karga, errepresioa, jarraipen, intoxikazio mediatiko,... jasan behar izan ditugu. Orain bi hilabete gaztetxe berria eraikitzen hasi ginen, pasaden asteburuan inauguratu egin genuen eta egun horretatik aurrera (bi egunetan) jazarpen poliziala besterik ez dugu izan. Bost pertsona identifikatu, sei alditan gaztetxera hurbildu dira eta azkenean epailearen eskutitzarekin etorri dira. Oraingoz hau da GETXOKO UDALETXEAK hau da PNV ematen digun alternatiba: errepresioa eta gazteontzako usain usteldua daukan Gazteleku proiektua non bakarrik 14 eta 17 urte tartekoentzat izango den eta udaletxeak kuadeatua.
Oraingoz ez dakigu zein izango den hurrengo egunotako dinamika bainan informatuta edukiko zaituztegu.
OKUPATZEN JARRAITUKO DUGU!!!
Fuente:
Gaztesarea
