DONOSTIA-. Askatasunak jakinarazi duenez, hainbat euskal herritarren kontrako bi epaiketa hasiko dira gaur Madrilgo eta Parisko "guda tribunaletan" "Bi tribunal hauen jarduera errepresiboa" salatu du errepresioaren aurkako erakundeak, "Euskal Herriko bizitza politikoan eta zehazki konponbiderako prozesuan esku sartze izugarria izateaz gain, euskaldunoi eskubide zibil eta politikoak ukatzeko tresna baitira".
Iragarri duenez, herritar talde bana bertaratuko da gaur Parisa eta Madrila, "auzi hauek salatu eta auzipetuei elkartasuna agertzeko". Askatasunako ordezkaritza bana ere beratartuko da eta bi "tribunal berezien" egoitzen parean adierazpenak egingo dituzte.
Gainera, elkarretaratzeak deitu ditu gaur eta bihar, "gerra tribunalak itxi, baldintza demokratikoak Euskal Herriarentzat" lelopean.
Gaur, Gobernu espainolak Iruñean duen ordezkaritzaren parean19:00etan dago deitua elkarretaratzea, eta Baionan, Donibane Lohizunen, Hendaian eta Uztaritzen ere ordu berberean elkarretaratuko dira.
Bihar,berriz, Donostiako epaitegiaren parean 19:30tan egingo dute elkarretaratzea, eta Bilboko Plaza Zirkularrean, 20:00etan.
